یک شعر زیبا از دوست عزیزم جهانبخش(سالور)-سون گوروش

سون گوروش دن بیر آی کئچیب

بیر آی دئمه سانکی مین ایل

بوینو بوکوک آرزولاریم

اولوب ایندی منه نیسگیل

...........................

سون گوروشدن بیر آی  کئچیب

سن باخمادین منه ساری

منسه قورخا قورخا هردن

گیزلین باخدیم سنه ساری

...........................

سون گوروشدن بیر آی کئچیب

((اوره گیمدن قانلار آخیر))

بو آیریلیق بیر آمانسیز

اودا دونوب منی یاخیر

............................

چرچیوه سیز آرزولاریم

نه قاب تانیر نه ده سینیر

بلکه ده بو آیریلیق بیر

امتحان دیر منی سینیر